Te hauora roro me te kaupare mōrea

 

Te hauora roro me te kaupare mōrea

Ko te tino whakaaro matua, ko ngā tikanga pai mō te manawa he pai hoki mō te hinengaro, arā, ngā roro.  Arā anō ngā tikanga kaupare i te mōrea o te pānga mai o te mate wareware ki a koe, mā roto i te tiaki i te ora o ngā roro.

Anei ētahi tikanga māmā e rima ka taea e tātou katoa hei whakaheke pea i te tūpono pā mai o te mate wareware:

Tiakina tō manawa
Ngā mea pēnei i te ngakototo tiketike, te pēhanga toto tiketike, te mate huka me te mate mōmona, ēnei katoa ka tūkino i ngā iaia toto. Mā ēnei katoa ka piki te tūpono pā mai o ngā mate manawa, o ngā roro ikura, me te tūpono pā mai o te mate wareware.

 

Kia pukukori
Mā te hokihoki tonu ki ngā mahi kori ka pai ake ō pēhanga toto, tō taumaha, ā, ka pai kē atu tō āhua. He huarahi tino pai hoki kia tūhono ki ngā hoa me te whānau. Tērā hoki ētahi taunakitanga ko te noho pukukori tonu ka whakaheke i te tūpono pānga mai o te mate wareware.

Kainga ngā kai papai
He mea nui ngā kai ka uru ki ō tātou tinana. E pai ai te haere me mātua kai haere tonu tātou i ngā momo kai hauora, me te nui hoki e tika ana o ia momo kai. Ki te kaha te tangata ki te kai i ngā kai kī tonu i te ngako, ka piki te tūpono pā mai o te mate manawa, me waiho ēnā kai ki tahaki.

Me āta wero ō roro
Mā te wero haere tonu i ō roro ki ngā mahi hou, ka taea e koe te hanga pūtau roro hou me te whakapakari i ngā hononga i waenga pūtau. Hei āwhina tēnei i te āraitanga i te pōrori haere o ngā pūmanawa mahara.

 

Kia ngahau ki ngā mahi whakawhanaunga, noho tahi me te tangata
Hei āwhina pea ngā mahi noho ngātahi me ngā whanaunga ki te oranga roro nā te mea, hei whakapātaritari ēnei mahi i ngā pekanga o ngā roro, e heke ai pea te tūpono pā o te mate wareware me te pōuriuri. Kaua e wareware ki te noho ngātahi ki te whānau me ngā hoa  - ka taea te whakakotahi i ngā huihuinga ki ngā kori tinana, mā te hākinakina me ngā mahi pīrangi katoa a te tangata.


He aha tēnei mea te mate wareware?
He tikanga e pai ai te noho me te mate wareware